Alisher Navoiy
Ko‘rgali husnungni zoru mubtalo bo‘ldim sanga,
Ne balolig‘ kun edikim, oshno bo‘ldim sanga?!
Har necha dedimki, kun-kundin uzay sendin ko‘ngil,
Vahki, kun-kundin batarrak mubtalo bo‘ldim sanga.
Men qachon dedim vafo qilg‘il manga, zulm aylading,
Sen qachon deding, fido bo‘lg‘il mango, bo‘ldim sanga!
Qay paripaykarg‘a, dersen, telba bo‘lding bu sifat,
Ey paripaykar, ne qilsang qil mango, bo‘ldim sanga!
Ey ko‘ngul, tarki nasihat ayladim — avvora bo‘l,
Yuz balo yetmaski, men ham bir balo bo‘ldim sanga!
Jomi Jam birla Xizr suyi nasibimdir mudom,
Soqiyo, to tarki joh aylab, gado bo‘ldim sanga.
G‘ussa changidin navoye topmadim ushshoq aro,
To Navoiydek asiru benavo bo‘ldim sanga.
